1. 番工前的準備
BB篇
如何取決雪奶/冰奶?
人奶充足可以儲冰奶,因雪奶只能保存5天,而冰奶可以儲存長達1-3個月,透過冰奶為BB做儲庫,確保唔夠奶的時候BB仲有得食。最完美的做法是擠出人奶先放4度,然後10小時內轉放冰格雪成冰奶,這樣可以確保人奶內的抗體得以保存。但如果預計該批人奶48小時內會食用,就不用變冰奶了,直接放在4度保存至食用為止。
注意:由於人奶會隨著BB長大而改變當中的營養/物質,以此迎合BB適時的需要。因此,即使雪奶夠食,間中都要BB食下冰奶,咁樣冰奶的存庫便能流動,BB便一直食到和自己年齡相近的人奶。
全埋身下,要儲奶的話,我選擇泵清BB食完個邊 (不會泵另一邊,留番下一餐)。集腋成裘,儲下儲下好快就有1餐。儲得一兩餐就可以開始試用奶樽比BB食奶。一日1餐,慢慢變成一日4餐都用奶樽, 正正係日後我番工不在家個 4餐。一開始都係屋企人餵,確定左BB接受其他人餵之後,我通常自己餵番 (用奶樽)。個兩星期是好辛苦,餵完BB就泵奶,泵完就洗野消毒,無幾耐就下一餐,重覆loop。 身邊還不乏 ''煩'' 音,如 ''阿B咁細過就要食冰鮮野'', 餵暖回的雪奶時,佢問你''做咩你係到唔比人奶佢食 ?''.....大家要忍耐,咁樣做是為BB著想的。
工具篇
1. 泵奶器
因為不確定自己是否夠奶,會否堅持餵人奶,很多人都唔建議一早買定,避免浪費。我會建議做定研究,選定牌子型號款式,鎖定購買的店舖,一旦確認有需要,可請家人或自行馬上購買。當你照顧緊BB/乳頭損曬的時候,唔會再有心情去比較和格價,淨係想部機即刻有得用!
電泵或手泵/ 單泵或雙泵?
上班的媽媽,我會建議買電雙泵。因為在公司泵奶時間有限,電雙泵較有效率。使用手泵會泵到手軟。牌子眾多,多人選擇Medela,但價錢較貴。價錢較便宜的可選擇優合。其他牌子仲有 Avent,Tommee Tippee, Cimilre......
喇叭size?
買泵要留意番個喇叭size,量度方法可參考網站 (Link)。同Bar一樣,人人唔同,要買番啱自己的size,咁先泵得有效率同唔整疼自己。
專用的冰袋要HKD150~HKD300,如PICKIT, Fridge-to-go,iThermo....。最平睇過人用Jusco12蚊個種錫紙底冰袋加冰種。我認為大家注意番由公司到屋企的路程,如冰袋能在整個過程保持温度不變就可以了。如果公司無雪櫃暫存,就要考慮買迷你雪櫃了。
奶量多建議用儲奶袋,慳位方便儲存! 儲奶杯/樽就環保D。記住公司放一些儲奶袋儲貨,多奶起上來都有野裝,唔好嘥。
4. 密實盒
用於儲放及消毒泵奶工具 (喇叭,活塞)。用100度熱水浸泡泵奶工具來消毒的話,建議買標明BPA Free 的盒會好一點。想方便,可買微波爐快速消毒袋。如果唔想係公司做消毒,可在家預先消毒2套或以上的泵奶工具回公司,一次用一套。
5. 密實袋
在公司,泵出奶會放在公家雪櫃。衛生關係,避免人奶吸到異味,放入密實袋內再放入雪櫃會較好。另外,為免尴尬,再外加一個不透明的膠袋,人地就唔知係人奶了。
6. 手口濕紙巾
大熱天時可能成身汗,我習慣會用BB手口專用濕紙巾先清潔乳頭先泵奶。
7. 防溢乳墊
記住公司放一些儲貨,漏奶濕曬都有得更換,減少尴尬。
個人檔
2. 普通的錫紙底冰袋 Coolmate。容量可以放到9罐汽水,只需HKD70 (實惠)。放4個8安士奶樽加多兩舊冰種都仲有位剩。冰種就是Jusco12蚊啫喱狀個種,HKD12兩舊,使用前/後都要放冰格,長期冰狀。 用以上配搭,公司回家要1個半小時,回家後,奶能保持低温,冰種只有4隻角溶左少少。大家可參考下。
2. 番工後
~1:00pm (@公司):泵清兩邊
~5:00pm (@公司):泵清兩邊
~9:30pm (@屋企):埋身一邊,泵清另一邊儲存
零晨時份 (@屋企):埋身一邊 (1-2次)
*家人用奶樽餵4餐的時間 (9:30am,12:30pm,3:30pm,6:30pm)
3. 媽媽飲食篇
另一個多人關心的是,食咩會多奶/收奶。多奶食物,對我有效的有魚湯﹑豆漿﹑牛奶﹑勝瓜﹑麥皮和木瓜。收奶食物,眾所周知的係生麥芽 (麥精/好立克/麥包/燕麥/麥皮中的麥不是同一類,因此可以照飲/食)﹑淡豆豉(煮送用的豆豉不是同一類,因此可以照食)﹑乳鴿﹑內臟和九菜。另外,不知為何提子對我有一點收奶的影響。